“Zirə”yə keçəcəyi gözlənilən Donald Gerye Kiprin “Olimpiakos” klubu ilə vidalaşıb.
AzerTimes xəbər verir ki, haitili futbolçu bu barədə İnstaqram hesabında paylaşım edib.
“Qarabağ” və “Neftçi”nin sabiq futbolçusu Qol.az-a açıqlamasında qısaca olaraq Bakıya yola düşdüyünü bildirib.
Xatırladaq ki, “Zirə”nin baş məşqçisi Rəşad Sadıqov bir neçə gün əvvəl açıqlamasında bildirmişdi ki, Geryeni heyətə cəlb etmək istəyirlər.
Qeyd edək ki, Gerye 2017-2019 və 2020-2021-ci illərdə “Qarabağ”da, 2019-2020-ci illərdə isə “Neftçi”də oynayıb.