Türkiyənin Foks TV-sinə açıqlama verən geofizik Tuncay Taymazın “Bakıdan Kiprə qədər tektonik yerdəyişmələr olacaq” deməsi neçə gündür ki, insanlar arasında təşviş yaradıb.
AzerTimes xəbər verir ki, ekoloq-seysmoloq Ənvər Əliyev mövzu ilə bağlı Musavat.com-a bildirib ki, Bakı da həmin dalğanın üstündədir:
“Bakı da, İran da dalğanın üstündədir. Bu bir nöqtə deyil. Burada filan nöqtədə “zəlzələ olacaq” demək çətindir. Əvvəlcədən heç vaxt danışa, fikir söyləyə bilmərəm. Bunun məsuliyyətini daşımıram. Təsəvvür edin ki, iki nəhəng kütlə baş-başa dayanıb, bir-birini sıxır. Heç kim bilmir ki, bunun hansı qabağa gələcək. Bunun mahiyyətini bilən hər kəs hər sözünün məsuliyyətini daşıyır. Sadəcə olaraq onu deyə bilrərəm ki, narahatlıq yoxdur. Bakıda heç vaxt 8-9 bal gücündə zəlzələ olmayıb, inşallah bundan sonra da olmaz”.
Qeyd edək ki, o, Türkiyədə baş verən zəlzələləri təhlil edən zaman paytaxtımızda da zəlzələ baş verə biləcəyini vurğulayıb.