Konqo Demokratik Respublikasında 271 sərnişini daşıyan gəmi batıb.
AzerTimes xəbər verir ki, bu barədə ölkənin daxili işlər və təhlükəsizlik naziri Jakman Şabani deyib.
“Ən azı 271 nəfəri daşıyan “HB la Saintet” gəmisi ölkənin şimalındakı Bolobo bölgəsindəki Lediba yaşayış məntəqəsi yaxınlığında batıb”, – nazir bildirib.
Hadisə yerinə istintaq qrupu və xilasedicilər cəlb olunub.
Nazirin sözlərinə görə, “HB la Saintet”in göyərtəsində olan insanların taleyi məlum deyil.