Xəbər - Xaqan İsayev – Trend:
2022-ci ildə Xəzər dənizinin Azərbaycan sektorundakı “Şahdəniz” qaz-kondensat yatağında hasilat həcmi 22,8 milyard kubmetr səviyyəsində gözlənilir ki, bu da 2021-ci il üçün proqnozlaşdırılan göstəricidən yeddi faiz çoxdur.
Trend-in məlumatına görə, bu barədə Hesablama Palatasının Dövlət Neft Fondunun 2022-ci il büdcə layihəsi barədə rəyində deyilir.
Qeyd olunur ki, 2021-ci ildə 21,3 milyard kubmetr, 2020-ci ildə 18 milyard kubmetr qaz hasilatı proqnozlaşdırılırdı.
Eyni zamanda, bu il “Şahdəniz” yatağından 33,3 milyon barel kondensatın hasil olunması proqnozlaşdırılır. 2021-ci ildə bu göstərici 31,8 milyon barel, 2020-ci ildə 29 milyon barel təşkil edirdi.
(Tərcümə: Orxan Nəbiyev)