Böyük Yeddilik (G7) ölkələrinin xarici işlər nazirləri Şimali
Koreyanın (KXDR) həyata keçirdiyi ballistik raketlərin buraxılışını
pisləyib.
Trend xəbər
verir ki, bu barədə şənbə günü G7-nin XİN başçılarının görüşünün
yekunu üzrə yayılan yekun kommünikedə deyilir.
“Biz Şimali Koreyanın 24 mart 2022-ci ildə həyata keçirilən də
daxil olmaqla davam edən ballistik raket sınaqlarını şiddətlə
qınayırıq. Bu Şimali Koreyanın nüvə və raket imkanlarını daha da
inkişaf etdirmək niyyətini bir daha təsdiqləyib”, – bəyanatda
deyilir.
G7-nin nazirləri Pxenyanı BMT Təhlükəsizlik Şurasının
qətnamələrinə uyğun olaraq nüvə proqramından, həmçinin “kütləvi
qırğın silahları və raket proqramları sahəsində istənilən
proqramlardan” tamamilə imtina etməyə çağırıb.