Xəbər - Orxan Nəbiyev – Trend:
İtaliyanın paytaxtı Romada AVRO-2020 futbol üzrə Avropa çempionatı başlayıb.
AzerTimes-ın məlumatına görə, turnirin ilk matçında A qrupunda mübarizə aparan İtaliya və Türkiyə qarşılaşır.
Qeyd edək ki, A qrupunun daha 3 matçı Bakıda keçiriləcək. Bakı Olimpiya Stadionu iyunun 12-də İsveçrə-Uels, iyunun 16-da Türkiyə-Uels və iyunun 20-də Türkiyə-İsveçrə oyunlarına ev sahibliyi edəcək. Bundan başqa, iyulun 3-də 1/4 final mərhələsinin bir oyunu Bakıda baş tutacaq.
AVRO-2020 iyunun 11-dən iyulun 11-dək Avropanın 11 şəhərində keçiriləcək.
Qeyd edək ki, Avropa çempionatı koronavirus pandemiyası ilə əlaqədar ötən il təxirə salınmışdı.