Bakıda keçirilən Formula 1 üzrə Azərbaycan Qran-prisində əsas yarış başlayıb.
AzerTimesə xəbər verir ki, mübarizəyə saat 15:00-da start verilib.
Ötən gün sıralama turunda “Ferrari” pilotu Şarl Lekler birinci olub. “Maklaren”dən Oskar Piastri ikinci, Leklerin komanda yoldaşı Karlos Sayns üçüncü yeri tutub. “Red Bull”dan Serxio Peres və “Mersedes”dən Corc Rassel ilk “5-liy”i tamamlayıblar.
20 döngə, 51 dövrədən ibarət olan Bakı treki ümumilikdə 306,049 km məsafəni əhatə edir.
Azərbaycan Qran-prisinə qədər “Red Bull”un niderlandlı pilotu Maks Ferstappen 303 xalla liderdir. “Maklaren”dən Lando Norris 241 xalla ikinci, “Ferrari”dən Şarl Lekler 217 xalla üçüncü pillədə qərarlaşıb. Norrisin komanda yoldaşı Oskar Piastri 197 xalla dördüncü, “Ferrari”nin digər sürücüsü Karlos Sayns 184 xalla beşincidir.
Konstruktorlar kubokunda “Red Bull” 446 xalla xalla birinci, “Maklaren” 438 xalla ikinci, “Ferrari” 407 xalla üçüncüdür.