“Forbes”in rus versiyasının xəbər redaktoru Sergey Minqazov Rusiya ordusu ilə bağlı saxta xəbər yaymaq ittihamı ilə saxlanılıb.
AzerTimes xəbər verir ki, bunu onun vəkili Konstantin Bubon deyib.
Onun sözlərinə görə, həbsə əsas Teleqram kanallarından birində Buça hadisələri ilə bağlı nəşrin repostu olub. Jurnalist İstintaq Komitəsi tərəfindən ittiham olunduqdan sonra Xabarovskdakı müvəqqəti saxlama təcridxanasına yerləşdirilib.
Bundan əvvəl onun evində axtarış aparılıb:
“Onlar həm onun, həm arvadının, həm də uşaqlarının telefon və kompüterlərini müsadirə ediblər”.