İsrail xalqı ilə həmrəylik əlaməti olaraq Eyfel qülləsi İsrail bayrağının rənglərində işıqlandırılacaq.
AzerTimes xəbər verir ki, bu sözləri Paris meri Ann İdalqo X sosial şəbəkədəki hesabında yazıb.
“HƏMAS-ın həyata keçirdiyi terror qurbanlarının xatirəsinə bu gecə saat 23:00-da Eyfel qülləsinin işığı söndürüləcək. İsrail xalqı ilə həmrəylik əlaməti olaraq sabah axşam Eyfel qülləsi İsrail bayrağının rəngləri ilə işıqlandırılacaq”, – mer yazıb.
Qeyd edək ki, HƏMAS və “İslami-Cihad” 7 oktyabrda “Əqsa tufanı” əməliyyatına başlayıb və İsrailə hücum edib. Hücum nəticəsində 700 İsrail vətəndaşı ölüb, 2,2 mindən çox sakin yaralanıb.
İsrail ordusu cavab tədbirlərinə başlayıb. İndiyə qədər 256 fələstinlinin öldüyü bildirilir.
İsrail ordusu 44 hərbçisinin həlak olduğunu açıqlayıb.