Ermənistanda baş verən siyasi proseslər fonunda ölkədə mövcud vəziyyət gərgin olaraq qalmaqdadır. Ölkədə hökm sürən böhran kontekstində, Qarabağ müharibəsindən sonra regionda yeni şərtlərin yarandığını yaxşı anlayan xaricdə yaşayan ermənilər, Azərbaycan-Ermənistan münasibətlərinin normallaşmasının tərəfdarıdırlar.
Verilişdə eyni zamanda Armen Sarkisyanın istefasının, Paşinyanın Azərbaycan və Türkiyə siyasəti ilə razılaşmasının, məğlub ölkədən sülh çağırışının, Paşinyanın demarkasiya və delimitasiya ilə bağlı ilkin şərtlərinin əsl səbəbləri barədə müzakirə aparılıb.
AzerTimes-ın məlumatına görə, Ətayə Ələmdarqızının təqdimatında AzTV-nin “Əsas məsələ” verilişində “Ermənistanda siyasi fraqmentasiya dərinləşir” mövzusunda aparılan müzakirələr zamanı bu barədə ətraflı danışılıb. Verilişin qonaqları – STM-in baş məsləhətçisi Tural İsmayılov, siyasi şərhçi Namiq Həsənov, politoloq Fərhad Hüseynov və Ankara Universiteti, beynəlxalq münasibətlər üzrə mütəxəssis Çinar Özen mövzu ətrafında müzakirə aparıblar.
“Əsas məsələ” verilişini bütöv şəkildə Azərbaycan Televiziyasının “YouTube” kanalından izləyə bilərsiniz: