Noyabrın 6-dan 10-dək Attikanın Nea Peramos bölgəsində Ermənistan, Yunanıstan və Kipr xüsusi təyinatlı qüvvələrinin üçtərəfli birgə təlimləri keçirilib.
AzerTimes xəbər verir ki, bu barədə Yunanıstanın Baş Qərargahı X sosial şəbəkəsində məlumat yayıb.
Məlumata görə, manevrlər zamanı çevik cavab atəşi icra edilib, snayper atəşinin, qapalı məkanlarda döyüşün, kiçik miqyaslı təlimlərin planlaşdırılması və aparılmasının texnika və taktikası məşq edilib.