Rusiyanın nəzarində olan Mariupol şəhərində Ermənistan və Dağıstan bayraqları həkk olunmuş “humanitar yardım” daşıyan yük maşınları müşahidə olunub.
AzerTimes xəbər verir ki, bu barədə Mariupol merinin müşaviri Petr Andryuşenko Teleqram kanalında məlumat yayıb.
Onun sözlərinə görə, Rusiya prezidentinin səfərindən sonra dağıdılmış şəhərdə yük maşınları kolonları müşahidə olunub:
“Metallurqov prospektində İlyiç istiqamətində Ermənistan və Dağıstan bayraqları və “Humanitar missiya” yazısı olan dörd avtomobil kolonu qeydə alınıb”.
Qeyd edək ki, ötən gün Kreml rəhbəri Vladimir Putinin Mariupola getdiyi barədə məlumat yayılmışdı