Təhlükəsizliklə bağlı həssas məsələləri ictimai yerlərdə müzakirə etmək düzgün deyil. Biz vəziyyəti necə idarə edə biləcəyimizi danışmalıyıq.
AzerTimes xəbər verir ki, bu sözləri Ermənistan Baş naziri Nikol Paşinyan Çexiyada erməni icması ilə görüşü zamanı “Ermənistan yeni müharibəyə hazırdırmı?” sualına cavab olaraq deyib.
“Ordular hər zaman müharibəyə hazır olmalıdır, hətta birbaşa müharibə təhlükəsi olmayan ölkələrdə belə. Dünyada mövcud olan ölkələrin 70 və daha çox faizi öz təhlükəsizliyini təkbaşına təmin edə bilmir. 70% çox yumşaq dedim. Biz öz təhlükəsizliyini təmin edə biləcək ölkələrə arxalana bilərik. Yalnız bir təhlükəsizlik zəmanəti var – sülh”, – o əlavə edib.