Ermənistan pul müqabilində silah almadığına görə Rusiyanı məhkəməyə vermək fikrində deyil, problem tərəfdaşlıq şəraitində həll edilməlidir.
AzerTimes xəbər verir ki, bunu Ermənistanın müdafiə nazirinin müavini Qraçya Sərkisyan deyib.
“Silahlar çatdırılmayıb, amma məhkəməyə müraciət etməyəcəyik. Düşünürəm ki, məsələ tərəfdaşlıq şəraitində həllini tapacaq”, – o bildirib.
Qeyd edək ki, Ermənistan hökuməti silaha görə ödədiyi 200 milyon dollar vəsaitin Ermənistanın Rusiyaya olan borcunun bir hissəsinin bağlanılmasına sərf edilə biləyini bildirmişdi.