Xəbər - Elçin Mehdiyev – Trend:
Biz Ermənistan Xarici İşlər Nazirliyinin (XİN) təxribatçı, qeyri-konstruktiv, revanşist xarakterli bəyanatlar verdiyini görürük. Bu, həmin ölkənin hələ də yeni reallığı anlamadığını göstərir.
AzerTimes-ın məlumatına görə, bunu Azərbayan Xarici işlər naziri Ceyhun Bayramov İƏT Baş katibi Yusif Bin Əhməd Əl-Osaymin ilə keçirilən birgə mətbuat konfransında deyib.
Nazir bildirib ki, Ermənistan tərəfi reallığı nə qədər tez anlasa, o qədər yaxşı olar: “Azərbaycan regionda yeni əməkdaşlıq formatının qurulmasına hazırdır. Lakin əgər Azərbaycan ərazisində yenidən hər hansı bir təxribat olarsa, buna layiqli şəkildə cavab veriləcək”.