Livanın paytaxtı Beyrut şəhərində Türkiyə vətəndaşı olan TIR sürücüsü Tayar Ökden ermənilərin hücumuna məruz qalıb.
AzerTimes xəbər verir ki, bu barədə Anadolu Agentliyi məlumat yayıb.
Məlumata görə, hadisə paytaxtın Burc Hammud məhəlləsində baş verib. Sürücü maşındakı yükü iş yerinə boşaltdıqdan sonra ordan ayrılmaq istəyib. Lakin 15-20 nəfər erməni 52 yaşlı sürücünü döyüb, maşının şüşələrini sındırıb və təkərlərini partladıblar. Onlar eyni zamanda TIR-ın üzərindəki “Türkkan” yazısını silib, ingilis dilində söyüş yazıblar.
Polisin hadisə yerinə gəlməsilə ermənilər oradan uzaqlaşıblar.
“Daşnaksütyun”un Livandakı nümayəndəliyi isə hücumla bağlı X sosial şəbəkəsindəki səhifəsində “İnsanlarımız türk TIR-ına əsəblərini göstərərək yoluna davam etməsinə əngəl oldu” cümləsini və fotolar paylaşıb.
Qeyd edək ki, 29 avqustda Livanda bir qrup erməni Azərbaycan səfirliyinə də hücum təşkil edib.