Ermənistan silahlı qüvvələrinin Baş Qərargah rəisinin müavini, general-mayor Artur Yeroyanın rəhbərlik etdiyi nümayəndə heyəti oktyabrın 13-17-də Kasablankada (Mərakeş) NATO-nun Əməliyyat İmkanı Konsepsiyasının illik konfransında iştirak edib.
AzerTimes xəbər verir ki, bu barədə Ermənistan Müdafiə Nazirliyi məlumat yayıb.
Səfər çərçivəsində general-mayor Yeroyan NATO-nun bir sıra həmkarları, o cümlədən Müttəfiq Qüvvələrin Avropadakı Ali Komandanlığının Baş Qərargah rəisinin müavini, vitse-admiral Qunşteyn Bruasdal (Norveç) və Tərəfdaşlıq Direktorluğunun Hərbi Əməkdaşlıq Xidmətinin rəhbəri, NATO-nun Avropadakı Ali Müttəfiq Komandanlığının (ALLF) Baş Qərargah rəisinin müavini, briqada generalı Martin Remesi (Slovakiya) ilə görüşüb.