Səudiyyə Ərəbistanının başçılıq etdiyi Yəməndəki ərəb
koalisiyası Sənada “Ənsar Allah” (husilər) üsyançı hərəkatının
yığma qoşunlarının düşərgələrinə və məntəqələrinə hava zərbələri
endirib.
AzerTimes-ın
məlumatına görə, bu barədə “Yemen Al Ghad” informasiya portalı
xəbər verib.
Qeyd edilib ki, bu, koalisiyanın Husilər üçün Əl-Hodeyda, Salif
və Səna hava limanlarından silahların çıxarılması üçün təyin etdiyi
müddət bitdikdən sonra baş verib. Koalisiya mülki şəxslərə
“Əl-Hodeydadakı neft və digər qurğulardan, Sənanın Hadda
məhəlləsindəki silah anbarlarından və Husilərin sığınacaqlarından
uzaq durmağa” xəbərdarlıq edib.
Bildirilib ki, husilər Yəmən paytaxtının bu diplomatik
ərazisindən silah ehtiyatı saxlamaq üçün istifadə edir və mülki
əhalinin arxasında gizlənirlər.