Xəbər - Orxan Nəbiyev – Trend:
Yaxın həftələrdə azərbaycanlı qardaşlarımızla yenidən görüşəcəyik.
Trend-in məlumatına görə, bunu Türkiyə Prezidenti Rəcəb Tayyib Ərdoğan ölkə parlamentində çıxışı zamanı deyib.
R.T.Ərdoğan təxminən 30 il davam edən işğaldan sonra Azərbaycan torpaqlarının azadlığa qovuşduğunu xatırladıb: “Biz də azərbaycanlı qardaşlarımızın sevincinə ortaq olduq. İnşallah, önümüzdəki həftələrdə bir daha azərbaycanlı qardaşlarımızla görüşəcəyik. Biz işğal altındakı torpaqlarını azad etməyə çalışan bir ölkəyə və Türkiyəyə qarşı sərgilənən kinli yanaşmaları heç vaxt unutmayacağıq”.