Səudiyyə Ərəbistanı İnkişaf Fondu Türkiyə Mərkəzi Bankında 5 milyard dollarlıq əmanət yerləşdirmək üçün müqavilə imzalayıb.
AzerTimes xəbər verir ki, bu barədə Fondun yaydığı məlumatda bildirilib.
Qeyd edilib ki, bu qərarı Səudiyyə kralı Salman bin Əbdüləziz əs-Səud və vəliəhd Məhəmməd bin Salman əs-Səud qəbul edib.
Sazişi Səudiyyə Ərəbistanının turizm naziri, İnkişaf Fondunun nümayəndəsi Əhməd əl-Xatib və Türkiyə Mərkəzi bankının sədri Şahab Kavcioğlu imzalayıb.
“Müqavilə təkcə Səudiyyə Ərəbistanı və Türkiyə Respublikasının xalqları və hakimiyyət orqanları arasında sıx əməkdaşlıq və tarixi əlaqələrin sübutu deyil, həm də Ər-Riyadın Türkiyənin potensialının gücləndirilməsi səylərini dəstəkləməyə sadiqliyinin nümayişidir”, – məlumatda qeyd edilib.