Dünyanın ən güclü məşqçilərinin siyahısında dəyişikliklər olub.
AzerTimes İdman.biz-ə istinadən xəbər verir ki, siyahıda planetin 500 ən güclü mütəxəssisi yer alıb.
Cədvəldə yeganə azərbaycanlı Qurban Qurbanovdur. “Qarabağ”ın baş məşqçisi 1668 xala malikdir. O, dünyada 147-cidir. 52 yaşlı mütəxəssis ötən cədvəllə müqayisədə 7 xal itirib və 9 pillə geriləyib.
Qurbanov ölkəmizdə çalışan və “Top-500”ə düşən yeganə baş məşqçi deyil. “Turan Tovuz”un baş məşqçisi Kurban Berdıyev 1790 xalla dünyada 57-cidir. O, 6 xal itirməklə 2 pillə geriləyib.
Millimizi çalışdıran Fernandu Santuşun mövqeyi dəyişməz qalıb. Portuqaliyalı 1624 xalla siyahıda 183-cüdür.
“Neftçi”nin baş məşqçisi Roman Qriqorçuk 1480 xalla 421-cidir. İki pillə geriləyən ukraynalı bir xal itirib.
Qeyd edək ki, siyahıya “Mançester Siti”nin 2240 xala malik çalışdırıcısı Pep Qvardiola başçılıq edir.