Dünyada elə bir bölgə yoxdur ki, orada zəlzələ olmasın. Ancaq bəzi bölgələrdə zəlzələ riski çox aşağıdır. Zəlzələlərin böyük əksəriyyəti Sakit okean qurşağında meydana gəlir. Bu bölgədən sonra Aralıq dənizi və Himalay dağları zəlzələlərin ən çox baş verdiyi ərazilərdəndir.
AzerTimes Oxu.az-a istinadən xəbər verir ki, Türkiyə də daxil olmaqla, bir çox ölkələr zəlzələ riskinin ən yüksək olduğu bölgələr sırasındadır. Onlar arasında əsasən İtaliya, Yunanıstan, Yeni Zelandiya, Çili, Meksika, İran, Kaliforniya və Havay adalarının adlarını çəkmək olar.
Rusiyanın Sibir bölgəsi, Kanada, İngiltərə, Almaniya, Polşa, Braziliya, Avstraliya, Şərqi Avropanın bir hissəsi, Fransa, Niderland və Skandinaviya ölkələrini isə ən az zəlzələ riskli bölgələr kimi xarakterizə etmək olar.