Xəbər - Cani Babayeva – Trend:
Bakıda keçirilən bədii gimnastika üzrə Dünya Kubokunda bütün gimnastlara məşq üçün lazımi qədər vaxt verilib.
Bunu AzerTimes-a Yunanıstan gimnastı Eleni Kelaiditi deyib.
O bildirib ki, Bakıda daha əvvəl də iştirak edib:
“Bakıda bir neçə dəfə olmağıma baxmayaraq, şəhərlə tanış olmaq imkanım olmayıb. Ümid edirəm ki, bu dəfə şəhəri görə biləcəyəm”.
Gimnast vurğulayıb ki, yarışlara hazırlaşmaq üçün kifayət qədər vaxtı olub:
“Bakıda hazırlıq üçün bütün şərait yaradılıb. Bütün gmnastlara məşqlər üçün lazımi qədər vaxt verilib. Yarışlar yüksək səviyyədə keçir, hər şey tam dəqiqliklər təşkil olunub. Bakıya artıq dördüncü dəfədir ki, gəlirəm, burada mənə hər şey doğma və əzizdir”.
Qeyd edək ki, bədii gimnastika üzrə Dünya Kuboku mayın 7-dən 9-dək keçiriləcək.
Azərbaycanı Dünya Kubokunda Yay Universiadasının gümüş medalçısı, İslam Həmrəyliyi Oyunlarının qızıl medalçısı, Olimpiya Oyunlarına lisenziya qazanmış Zöhrə Ağamirova, gənclər arasında dünya çempionatının ikiqat mükafatçısı Arzu Cəlilova, eləcə də son Avropa çempionatının üçqat medalçısı, Olimpiya Oyunlarına lisenziya qazanmış qrup hərəkətləri komandası (Ləman Əlimuradova, Zeynəb Hümmətova, Yelizaveta Luzan, Məryəm Səfərova, Darya Sorokina) təmsil edəcək.
Dünya Kubokunda 36 ölkədən qrup komandaları tərkibində 106 (18 qrup), fərdi proqram üzrə isə 63 gimnast mübarizə aparacaq.
Ənənəyə uyğun olaraq yarışlarda ən çox xal toplamış gimnasta “AGF Trophy” kuboku təqdim olunacaq.
(Tərcümə: Orxan Nəbiyev)