Xəbər - Zeyni Cəfərov – Trend:
2021-ci ildə Azərbaycanda ümumi daxili məhsulun artımı 2,8 faiz səviyyəsində proqnozlaşdırılır.
AzerTimes-ın məlumatına görə, bu barədə Dünya Bankının “Avropa və Mərkəzi Asiya iqtisadiyyatının icmalı” hesabatında deyilir.
Hesabatda qeyd olunur ki, ötən il ölkə iqtisadiyyatı 4,3 faiz azalma nümayiş etdirmişdi.
Dünya Bankı Azərbaycanda ümumi daxili məhsulun 2022-ci ildə 3,9 faiz, 2023-cü ildə 3,4 faiz artacağını proqnozlaşdırır.
Eyni zamanda Dünya Bankının hesabatına əsasən, Azərbaycanda 2021-ci ildə inflyasiya 3,9 faiz səviyyəsində proqnozlaşdırılır.
Proqnoza əsasən, Azərbaycanda inflyasiya 2022-ci ildə 3,2 faiz, 2023-cü ildə 3 faizədək azalacaq.
(Tərcümə: Orxan Nəbiyev)