DTX əməkdaşları İrana ezam oluna bilər – Baş prokuror

DTX əməkdaşları İrana ezam oluna bilər – Baş prokuror

Azərbaycanın İrandakı diplomatik korpusuna silahlı hücumla bağlı işin halları göstərir ki, bu şəxs tək olmayıb. Bu, təşkil olunub.

AzerTimes xəbər verir ki, bunu Real TV-yə müsahibəsində Azərbaycan Respublikasının Baş prokuroru Kamran Əliyev bildirib.

O qeyd edib ki, cinayətin bütün iştirakçıları, sifarişçiləri və icarıçıları məsuliyyətə cəlb edilməlidir:

“Bununla bağlı artıq biz Dövlət Təhlükəsizlik Xidməti ilə birgə İran tərəfinə hüquqi yardım haqqında vəsatət hazırlayırıq. Danışığımız əsasında həmin vəsatət göndəriləcək və zərurət yaranarsa, bizim buradan prokurorluq və Dövlət Təhlükəsizlik Xidmətinin əməkdaşları oraya (İran – red.) ezam olunacaq. O işin gedişatını biz daima nəzarətdə saxlayacağıq”.

Baş prokuror əlavə edib ki, Azərbaycanın İrandakı səfriliyinə qarşı silhalı hücumla bağlı bir çox qaranlıq məqamlar vardır: “Hücum edən şəxsin yarım saatdan artıq müddətdə bizim diplomatik korpusa silahlı basqın etməsi və buna qarşı polis və təhlükəsizlik xidməti orqanları tərəfindən heç bir tədbirin görülməməsi, “Kalaşnikov” tipli avtomatın bu şəxs tərəfindən necə əldə edilməsi… Bildiyiniz kimi, onun hətta iki odlu silahı olub”.

Teqlər: