Ukrayna Silahlı Qüvvələrinin Donetskə endirdiyi zərbələrə görə Rusiya BMT Təhlükəsizlik Şurasının təcili iclasını tələb edib.
AzerTimes xəbər verir ki, bu barədə Rusiyanın BMT-dəki daimi nümayəndəsinin birinci müavini Dmitri Polyanski bildirib.
“Biz Kiyev rejiminin Donetskə hücumları ilə bağlı BMT Təhlükəsizlik Şurasının təcili açıq iclasının keçirilməsini xahiş etmişik”, – diplomat deyib.
TŞ iclasının bu gün keçirilməsi gözlənilir.
Qeyd edək ki, ötən gün Ukrayna hərbçiləri Donetskə son zamanların ən böyük hava hücumlarından birini həyata keçirib. Rusiyanın nəzarətində olan Donetskə endirilən aviazərbələr nəticəsində 20 nəfər ölüb.