ABŞ-ın keçmiş prezidenti Donald Trampın “Trump Organization” şirkəti “Trump International Hotel” otelinə olan hüquqları 375 milyon dollara satmağa razılaşıb.
AzerTimes-ın məlumatına görə, bu barədə “The Wall Street Journal” qəzeti mənbələrə istinadən xəbər verib.
Məlumata əsasən, alıcı Mayamidən (Florida ştatı) “CGI Merchant Group” investisiya şirkəti olacaq. Həmin şirkət Ağ Evin keçmiş rəhbərinin adını fasaddan silmək niyyətindədir və otelin idarə olunması və brendləşdirilməsi ilə bağlı “Hilton” otellər şəbəkəsi ilə razılığa gəlib.
Müqavilənin gələn ilin birinci rübündə bağlanacağı gözlənilir. D.Trampın prezidentliyi dövründə otel respublikaçıların məşhur toplaşdığı yer olub.