DİN ölkədə azyaşlılar arasında narkomaniya halları ilə bağlı vəziyyəti açıqlayıb

Xəbər - Çingiz Səfərli – AzerTimes:

Ölkədə narkomaniyaya cəlb olunan və buna təhrik edilən azyaşlıların sayı ilə bağlı rəqəmlər qorxulu deyil.

AzerTimes xəbər verir ki, bunu jurnalistlərə açıqlamasında Daxili İşlər Nazirliyinin Bakı Şəhər Baş polis idarəsinin İctimai Təhlükəsizlik İdarəsinin Baş inspektoru polis polkovnik leytenantı Kəmalə Ələkbərova deyib.

O bildirib ki, statistika anonim saxlanılsa da, say təhlükəli deyil.

“Ölkəmizdə dəyərlər sistemi, valideynlərin övladlarını qorumaları bu halların qarşısını alır. Ümumilikdə məktəblilərin zərərli vərdişləyə yönəlmələri ilə bağlı təhlükəli dövr 14 yaşdan sonra başlayır”.

Məktəblilərin zərərli vərdişlərə təhrik olunması məsələsinə gəldikdə isə K. Ələkbərova deyib ki, burada bir çox amillər var:

“Əsas səbəblrdən biri sosial şəbəkələrdir. Son zamanlar sosial şəbəkələr üzərindən narkotik vasitələrin satışı hallarına tez-tez rast gəlinir. İşbazların azyaşlıları bu işə sövq etməsi Daxili İşlər Nazirliyinin orqanlarını narahat edir. Aidiyyəti dövlət orqanları bununla bağlı ciddi mübarizə aparır”.

Teqlər: