Dərinin quruması təkcə dermatoloji xəstəliklərin nəticəsi deyil. Buna səbəb həm də sərt su, düzgün qidalanmamaq, tütün tüstüsü, günəşdə uzun müddət qalmaq da ola bilər.
AzerTimes xəbər verir ki, bunu rusiyalı dermatoloq-kosmetoloq Nadejda Yudina deyib.
Mütəxəssisin fikrincə, yaş artdıqca hormon istehsalının azalması səbəbindən quruluq yarana bilər ki, bu da öz növbəsində sebum, hialuron turşusu, kollagenin istehsalının azalmasına səbəb olur:
“Bir çoxları nəmləndirici kremin aktiv istifadəsini problemin ən asan həlli hesab edir, lakin bu, həmişə kömək etmir. Bu problemin həlli üçün daha çox təmiz su içmək, qida rasionuna bitki yağları daxil etmək, təbii parçalardan paltar və yataq dəstləri seçmək və otağı tez-tez havalandırmaq lazımdır”.