Xəbər - Alpər Ziya – Trend:
Nigeriya sahillərində dəniz quldurlarının girov götürdüyü 15 türk dənizçi xilas edilib.
Trend xəbər verir ki, bu barədə Boden Dənizçilik şirkətinin baş direktoru Levent Karsan məlumat verib.
Onun sözlərinə görə, dənizçilərin vəziyyəti yaxşıdır və hazırda Nigeriyadadırlar. 1-2 gün ərzində Türkiyəyə gətiriləcəklər.
Xatırladaq ki, ötən ayın sonları Qvineya körfəzində “Mozart” gəmisi dəniz quldurları tərəfindən qaçırılıb. 15 nəfərin olduğu gəmidə hücum zamanı 1 azərbaycanlı dənizçi öldürülüb. Öldürülən azərbaycanlı mühəndis Fərman İsmayılovun cənazəsi Azərbaycana göndərilərək doğulduğu Siyəzən rayonunda dəfn edilib.