Davos İqtisadi Forumu çərçivəsində Avropa və dünya rəsmiləri Ukraynadakı münaqişənin diplomatik yolla dayandırılmasında israrlıdırlar.
AzerTimes xəbər verir ki, bu barədə “Nyu York Tayms” nəşri yazıb.
Nəşrin iddiasına görə, Avropadan və dünyanın hər yerindən hökumət rəsmiləri və sahibkarlar Kiyevə maliyyə dəstəyinin azalması ilə bağlı narahatlıqlarını ifadə etməkdə davam edirlər.
“Onlar həm açıq, həm də gizli şəkildə müharibəyə diplomatik son qoymağa çalışırlar”, – nəşr vurğulayıb.
Qeyd edək ki, İsveçrənin Davos şəhərində Dünya İqtisadi Forumu keçirilir. Forum yanvarın 19-a kimi davam edəcək.