Daşnaksütyun Partiyası ümumerməni etirazına çağırır. Erməni xalqı və dövlətçiliyi öz mövcudluğu təhlükəsi ilə üz-üzədir. Hakimiyyət orqanlarının “Qarabağ xalqı”nın öz müqəddəratını təyinetmə hüququ və Ermənistanın müstəqilliyi ilə bağlı hərəkətləri antimilli və destruktiv xarakter daşıyır.
AzerTimes xəbər verir ki, bunu Daşnaksütyun Partiyasının ali orqanının rəsmi nümayəndəsi İşxan Saqatelyan deyib.
“Erməni xalqının arxasında konstitusiyaya zidd yolla əldə edilən və ya bağlanan hər hansı razılaşma və ya sənədin hüquqi və siyasi legitimliyi olmayacaq. Bu, yeni müharibə təhlükəsi ilə doludur və regionu yeni sarsıntılara aparacaq. Həlledici müqavimət anı gəlib”, – Saqatelyan bildirib.
Onun sözlərinə görə, mövcud çağırışları qarşılamaq üçün yeni xalq hökuməti formalaşdırılmalıdır.