Çinin Ukrayna ilə bağlı sülh planının bir çox bəndləri Qərb və Kiyev hazır olduqda, nizamlanma üçün əsas götürülə bilər.
AzerTimes xəbər verir ki, bunu Kremldə Rusiya Prezidenti Vladimir Putin Çin Prezidenti Si Szinpin ilə danışıqların yekununda deyib.
“Əlbəttə, biz Ukrayna ətrafındakı vəziyyəti də nəzərdən qaçırmamışıq. Hesab edirik ki, Çinin qeyd etdiyi sülh planının bir çox müddəaları Rusiyanın yanaşmaları ilə üst-üstə düşür. Qərb və Kiyev hazır olduqda sülh yolu ilə nizamlanma üçün əsas götürülə bilər. Lakin hələlik biz onların tərəfində belə bir hazırlıq görmürük”, – o bildirib.