Azərbaycanın xarici işlər naziri Ceyhun Bayramov Türkiyənin 30 Avqust – Zəfər Bayramı münasibətilə təbrik edib.
AzerTimes xəbər verir ki, bu barədə XİN başçısı Tvitterdə yazıb.
“Qardaş Türkiyəni 30 Avqust – Zəfər Bayramının 100-cü ildönümü münasibətilə ürəkdən təbrik edir və Türkiyənin müstəqilliyinin hər zaman möhkəm və sarsılmaz olmasını diləyirik”.
Qeyd edək ki, Zəfər Bayramı Türkiyənin və Şimali Kipr Türk Respublikasının milli bayramıdır. Zəfər Günü 1924-cü ildən (rəsmi olaraq 1935-ci ildən) hər il Böyük Təərrüzdə (böyük hücum) həlledici döyüş olan Dumlupınar vuruşmasındakı qələbənin xatirəsini anmaq üçün qeyd edilir.