Ceyhun Bayramov Rusiyaya rəsmi səfərə yollandı

Ceyhun Bayramov Rusiyaya rəsmi səfərə yollandı

Bu gün (26 avqust) Azərbaycanın Xarici İşlər naziri Ceyhun Bayramovun Rusiyaya ilk rəsmi səfəri baş tutacaq.

Ceyhun Bayramov səfər çərçivəsində rusiyalı həmkarı Sergey Lavrovla görüşəcək. Görüşdə Dağlıq Qarabağ münaqişəsinin nizamlanması və Moskva ilə Bakı arasındakı ikitərəfli münasibətlərə dair bir sıra aktual məsələlər müzakirə ediləcək.

Azərbaycan XİN-in rəhbəri olaraq ilk dəfə Rusiyaya səfər edəcək C. Bayramov, həmçinin Baş Nazirin müavini Aleksey Overçuk və Federasiya Şurası sədrinin müavini İlyas Umaxanovla da görüşəcək.

Səfər çərçivəsində Rusiyanın yüksək səviyyəli rəsmiləri ilə görüşlərin keçirilməsi nəzərdə tutulur.