Martın 2-də “Qanun” nəşriyyatında yazıçı Günel Natiqin “Cəsur qızların kitabı” əsərinin təqdimatı keçirilib.
AzerTimes xəbər verir ki, bu barədə Günel Natiqin özü məlumat verib.
Onun sözlərinə görə, kitabda Azərbaycanın 22 görkəmli qadını haqqında hekayətlər toplanıb:
“Bu qadınların hər biri öz sahəsində çevriliş, inqilab edib, şəriət qanunlarının təzyiqi altında əzilən cəmiyyətə yeniliklər gətirərək zirvələr fəth ediblər. Niyyətimiz mədəniyyət tarixi, sənət tariximizlə bağlı yeniyetmələrimizə bilgi verməklə yanaşı, həm də onlara bu fikri aşılamaq idi ki, heç bir maneə dəf edilməyəcək qədər qorxulu deyil”.