Rusiyalı qarışıq döyüş növləri üzrə döyüşçü Cef Monson İslam dinini qəbul etmək qərarının səbəbini açıqlayıb.
AzerTimes xəbər verir ki, o, Matç TV-yə açıqlamasında uzun müddət idi ki, İslam dini barədə düşündüyünü deyib.
“Bu din haqqında çox şey bilirəm, İslam dininin nümayəndəsi olan çoxlu dostlarım var. Mənim üçün bu, insanlar arasında qardaşlıq, dostluq münasibətlərindən, hər bir qonşunuza məhəbbətdən gedir. Mənim üçün bu həyatda ən vacib şeydir, ona görə İslamı seçdim. Dörd-beş il bu barədə düşündüm”, – Monson bildirib.
Qeyd edək ki, ötən il 53 yaşlı Monson ABŞ pasportunu təhvil verib və Rusiya vətəndaşlığını qəbul edib.