İran Prezidenti İbrahim Rəisinin Cənubi Afrika Respublikasına səfəri təxirə salınıb.
AzerTimes xəbər verir ki, bu barədə Cənubi Afrika Prezidentinin Ofisi məlumat yayıb.
“İran Prezidenti İbrahim Rəisinin əvvəlcədən elan etdiyi səfər fevralın 27-dən qeyri-müəyyən müddətə təxirə salınıb”, – məlumatda bildirilib.
İbrahim Rəisinin səfərinin təxirə salınma səbəbi açıqlanmayıb. Bununla belə, səfərin təxirə salınmasının İran deyil, CAR tərəfindən elan edilməsi müzakirələrə yol açıb.