Türkmənistan prezidenti Qurbanqulu Berdiməhəmmədovun fərmanı ilə dünən (aprelin 29-u), Azərbaycanın Rusiyadakı fövqəladə və səlahiyyətli səfiri Polad Bülbüloğluna Türkmənistan Respublikasının Xalq Artisti adı verilib.
Fərmanda deyilir ki, Polad Bülbüloğlu bu yüksək fəxri ada Türkmənistan və Azərbaycan xalqları arasında dostluq, qardaşlıq, mehriban qonşuluq və əməkdaşlıq münasibətlərinin, iki dövlət arasında mədəni və humanitar sahələrdə dialoqun möhkəmlənməsində xidmətlərinə, istedadına, mahnı-musiqi sənətinin inkişafında uğurlarına görə layiq görülüb.