Gələn ilin dövlət büdcəsi Ukraynanın müharibədə qələbə qazanmasına yönəlib.
AzerTimes xəbər verir ki, bu barədə Ukraynanın maliyyə naziri Sergey Marçenko danışıb.
“Gələn il ümumi daxili məhsulun artacağı gözlənilir, hər cür ümid var. Biz perspektivləri görürük”, – nazir bildirib.
O, həmçinin qeyd edib ki, gələn ilin dövlət büdcəsində dövlət aparatının xərcləri də xeyli azaldılıb. Təhlükəsizlik və müdafiə sektoru və sosial xərclər istisna olmaqla, bütün digər sahələr əhəmiyyətli ixtisarlara məruz qalıb.