Qırğızıstanın Oş vilayətinin Nookat rayonunda baş verən sel nəticəsində ölənlərin sayı 7-yə çatıb.
AzerTimes xəbər verir ki, bu barədə ölkənin Fövqəladə Hallar Nazirliyi məlumat yayıb.
Bildirilib ki, artıq rayon ərazisində fövqəladə vəziyyət elan edilib.
İlkin məlumata görə, leysan yağışların səbəb olduğu selin dağlardan enməsi nəticəsində 7 nəfər həlak olub. Onların cəsədləri artıq aşkar edilib. Onlarla birmərtəbəli yaşayış binası və magistral yolları su basıb, çaylar üzərindəki iki körpü zədələnib.