Martın 22-si saat 12:00-a olan məlumata əsasən, ölkə ərazisində
qeyri-sabit hava şəraiti davam edib, bəzi yerlərdə yağıntılı olub,
qar yağıb, lakin yağıntıların intensivliyi bir qədər səngiyib.
Trend xəbər verir ki, bunu Bunu Hidrometeoroloji Proqnozlar
Bürosunun direktoru Gülşad Məmmədova bildirib.
“Qar örtüyünün hündürlüyü Lerikdə 70 sm, Sarıbaşda (Qax) 68 sm,
Yardımlıda 58 sm, Altıağacda 47 sm, Ağdərədə (Ordubad) 44 sm,
Şahdağda 41 sm, Xaltanda 34 sm, Kişçayda (Şəki) 32 sm, Ləzədə 28
sm, Girdimançay, Qaranohurda (İsmayıllı) 25 sm, Qrızda 18 sm,
Daşkəsəndə 12 sm, Xınalıqda 10 sm, Göygöldə 7 sm, Naxçıvanda 6 sm,
İsmayıllı, Şahbuzda 5 sm, Qusarda 4 sm, Şərur, Qubada 2 sm, Culfa,
Sədərək, Şəkidə 1 sm olub”, – G.Məmmədova deyib.
Onun sözlərinə görə, düşən yağıntının miqdarı Astarada 12 mm,
Lənkəranda 6 mm, Yardımlı, Ağdərədə (Ordubad) 4 mm, Lerik,
Naxçıvan, Şərur, Şahbuzda 3 mm, Daşkəsən, Oğuz, Zaqatala, Şahdağ,
Ordubadda 2 mm, Culfa, Sədərək, Gədəbəy, Göygöl, Naftalan, Tovuz,
Ağdam, Tərtər, Bərdə, Mingəçevir, Yevlax, Göyçay, Zərdab, Beyləqan,
İmişli, Kürdəmir, Sabirabad, Cəfərxan, Hacıqabul, Neftçala,
Biləsuvar, Göytəpə, Kişçay (Şəki), Balakən, Qəbələ, Şəki, Şamaxıda
1 mm-dək olub.
Qərb küləyinin sürəti arabir Naftalanda 24 m/s, Göygöl, Tərtərdə
20 m/s, Şəmkir, Ağdamda 16 m/s-dək güclənib.
G.Məmmədova qeyd edib ki, havanın minimal temperaturu Bakıda və
Abşeron yarımadasında 2 dərəcəyədək isti, Naxçıvan MR-da 10
dərəcəyədək şaxta, dağlıq rayonlarda 11 dərəcəyədək şaxta, aran
rayonlarında 2 dərəcəyədək isti olub.