Braziliya Prezidenti İnasio Lula da Silva Rusiya Prezidenti Vladimir Putinin səfərlə bağlı dəvətindən imtina edib.
AzerTimes xəbər verir ki, Lula da Silva bu barədə Tvitter səhifəsində yazıb.
“Vladimir Putinlə telefonda danışdım. Sankt-Peterburqdakı Beynəlxalq İqtisadi Foruma dəvətindən dolayı ona təşəkkürümü bildirdim”, – deyə o bildirib.
Braziliya lideri Putinə Rusiyaya səfər edə bilməyəcəyini, həmçinin Hindistan, İndoneziya və Çinlə birgə Ukraynada konfliktin həlli üçün sülh yolları axtarmağa hazır olduğunu qeyd edib.