Bu, Ermənistandan Rusiyanın üzünə bir şillədir. Bu, şəxsən Paşinyanın həyasızlığıdır. Kimsə bu ölkənin Rusiyanın müttəfiqi olduğunu düşünür? Bu, Rusiyanın müttəfiqi deyil, Rusiyanı satmaqdır.
AzerTimes xəbər verir ki, bunu rusiyalı politoloq Sergey Markov Ermənistan Konstitusiya Məhkəməsinin Beynəlxalq Cinayət Məhkəməsinə qoşulması qərarını şərh edərkən deyib.
“Ermənistan Vladimir Putini həbs etmək istəyən Beynəlxalq Cinayət Məhkəməsinə qoşulub. Bu gün (dünən) Ermənistan Konstitusiya Məhkəməsi Beynəlxalq Cinayət Məhkəməsinin Ermənistan konstitusiyasına uyğunluğu ilə bağlı yekun qərarını verib.
Onlar qəsdən Beynəlxalq Cinayət Məhkəməsinə qoşulmaq üçün bu məqamı seçiblər. İndi Paşinyan kifayət qədər gülümsəyəcək, Putinin Ermənistanda hipotetik həbsindən və onu Beynəlxalq Cinayət Məhkəməsinə köçürməsindən danışacaq? Satqınlar”, – Markov Teleqram kanalında qeyd edib.
Qeyd edək ki, martın 24-də Ermənistan Beynəlxalq Cinayət Məhkəməsinin verdiyi order əsasında Rusiya Prezidenti Vladimir Putinin həbsi tələb olunacaq dövlətlərin sırasına qoşulub.