Britaniyanın yeni xarici işlər naziri Devid Lemmi İsrail və Fələstin ərazilərinə səfəri zamanı Qəzzada dərhal atəşkəsə çağırıb.
AzerTimes xəbər verir ki, bu barədə AP məlumat yayıb.
O bildirib ki, Qəzzada davam edən müharibə amansızdır, Böyük Britaniya diplomatik səylərlə atəşkəsi təmin etmək və ikidövlətli həll yolunda etibarlı irəliləyişə dəstək vermək istəyir.
Lemmi Qüdsdə Benyamin Netanyahu və Mahmud Abbasla görüşüb. O, bazar ertəsi İsrail Prezidenti İsaak Hersoqla da görüşəcək.
O, bütün girovların azad edilməsinə və Qəzzaya gələn humanitar yardımın həcminin kəskin artırılmasına da çağırış edib.