Böyük Britaniya Xarici İşlər Nazirliyinin rəhbəri və baş nazirinin rəsmi iqamətgahlarında keçirilən ziyafətlərdən sonra kokain izləri tapılıb.
AzerTimes xəbər verir ki, bu barədə “Qardian” qəzeti məlumat yayıb.
Məlumata görə, “ağ toz” İngiltərənin xarici işlər nazirlərinin rəsmi iqamətgahı olan “Çevninq Haus”da bu ilin yay ayında aşkar edilib.
Qəzetin yazdığına görə, Çevninqdə 19-21 avqust və 2-4 sentyabrda şənliklər keçirilib.
Eyni zamanda, Boris Consonun rəhbərliyi dövründə Böyük Britaniyanın Dauninq-Stritdəki rəsmi iqamətgahda işləyən mənbələr bildiriblər ki, binada keçirilən iki mərasimdən sonra orada “ağ toz” qalıqları aşkar edilib.
Bildirilib ki, Lizz Trass və ya Boris Consonun dərmanı özləri istifadə etdiyinə və ya narkotiklərin istifadə edildiyindən və ya mövcud olduğundan xəbərdar olduqlarına dair heç bir əlamət yoxdur.
Trassın sözçüsü qəzetin məlumatını “yalan” adlandırıb, Consonun sözçüsü isə iddialardan təəccübləndiyini bildirib.