Böyük Britaniya 2016-cı ildən bəri ilk dəfə olaraq Atlantik okeanında sualtı qayıqdan nüvə raketini sınaqdan keçirəcək.
AzerTimes xəbər verir ki, bu barədə “Teleqraf” nəşri məlumat yayıb.
Məlumata görə, gəmiçilik şirkətlərinə xəbərdarlıq edilib ki, sınaqlar “HMS Vanguard” sualtı qayığının Atlantik okeanına çatmasından sonra aparılacaq.
Saxta döyüş başlığının istifadə ediləcəyi sınaq fevralın 4-nə qədər Florida ştatının şərq sahilindən təxminən 90 km aralıda, 5900 km radiusda həyata keçiriləcək.