Azərbaycan cüdoçusu Elcan Hacıyev Tiflisdə keçirilən Böyük Dəbilqə turnirində bürünc medal qazanıb.
AzerTimes xəbər verir ki, turnirdə 81 kiloqram çəki dərəcəsində çıxış edən cüdoçumuz üçüncü yer uğrunda görüşdə italiyalı Titsiano Falkoneni məğlubiyyətə uğradıb.
Beləliklə, Azərbaycan millisi ikinci yarış gününü bir bürünc medalla başa vurub.
Qeyd edək ki, ilk yarış günündə Azərbaycan təmsilçilərindən Turan Bayramov (60 kq) bürünc medal qazanıb.