“Sabah”la xeyriyyə matçında qarşılaşacaq Türkiyə “Beşiktaş”ının Bakıya səfər proqramı bəlli olub.
AzerTimes xəbər verir ki, bu barədə “Beşiktaş”ın rəsmi saytı məlumat yayıb.
Məlumata görə, “Beşiktaş” komandası Bakıya oyun günü – mayın 13-də gələcək. Komandanı gətirəcək təyyarə Bakı vaxtı ilə saat 16:00-da havaya qalxacaq.
“Qara qartallar” “Hilton” hotelində məskunlaşacaqlar. Superliqa təmsilçisi oyundan dərhal sonra Türkiyəyə qayıdacaq.
Qeyd edək ki, Tofiq Bəhramov adına Respublika stadionunda oynanılacaq qarşılaşma saat 18:00-da başlayacaq. Matçdan əldə edilən bütün gəlir Türkiyədə zəlzələdən zərər görmüş insanlara göndəriləcək.