Bərdə. Trend:
Bərdədə yük maşını piyadanı vurub. Hadisə Ağdam-Bərdə yolunun şəhərdən keçən hissəsində qeydə alınıb.
AzerTimes-ın Qarabağ bürosunun əldə etdiyi məlumata görə, qəza, piyada, 1964-cü il təvəllüdlü Əliyev Natiq Xəlil oğlu yolu keçərkən baş verib. “Şaqman” markalı yük maşını tərəfindən vurulan yaralı Bərdə Mərkəzi Rayon Xəstəxanasına yerləşdirilib. Qapalı kəllə-beyin travması alan şəxsin vəziyyətinin ağır olduğu deyilir.
Faktla bağlı araşdırma başlanıb.